"Benfika" futbolchisi boshqa jamoaga o'tishi mumkin

Shveytsariya terma jamoasi va Lissabonning “Benfika” klubi hujumchisi Xaris Seferovich faoliyatini Turkiya chempionatida davom ettirishi mumkin. 30 yoshli hujumchi tez orada Istanbulning “Galatasaroy” klubi bilan shartnoma imzolaydi. Bu haqda insayder Fabritsio Romano ijtimoiy tarmoqlarda ma'lum qildi.

Jurnalistning so'zlariga ko'ra, turklar Seferovichning ijarasini kelasi mavsum oxirigacha tashkil qilmoqchi. Shartnoma muddati tugagach, “Galatasaroy” shveytsariyalikni 3,5 million evroga sotib olishi mumkin bo'ladi.

Xaris "Benfika"ga 2017 yilda Frankfurtning "Ayntraxt" klubidan kelib qo'shilgandi. O'tgan mavsumda hujumchi Primeyraning o'nta o'yinida qatnashib, uchta gol va ikkita golli uzatmani amalga oshirdi.