"PSJ" Kimpembeni "Chelsi"ga qo'yib yuborishga tayyor

"PSJ" himoyachisi Presnel Kimpembe "Chelsi"ga o'tishi mumkin, deya xabar beradi jurnalist Fabritsio Romano.

Manbaning xabariga ko'ra, parijliklar o'z futbolchisini 60-65 million evroga sotishni ko'rib chiqishga tayyor. "Chelsi" 26 yoshli frantsuz uchun birinchi bo'lib 45-50 million evro taklif qilmoqchi.

Kimpembening "PSJ" bilan amaldagi shartnomasi 2024 yilning yoziga qadar mo'ljallangan. Transfermarkt portali Frantsiya terma jamoasi futbolchisini 40 million evroga baholamoqda.

O'tgan mavsumda himoyachi hozirgi jamoasi tarkibida 41 ta o'yin o'tkazib, 2 ta gol va bitta golli uzatmaga mualliflik qilgan.