"Lill" "PSJ"ning 12 millionlik taklifini rad etdi

RMC xabariga ko'ra, "PSJ" hali ham "Lill" yarim himoyachisi Renato Sansheshni sotib olishga qiziqish bildirmoqda.

Manbaga ko'ra, parijliklar 24 yoshli futbolchi uchun 12 million evro taklif qilishgan, ammo "Lill" uni rad etgan. 2023 yilning 30 iyunida portugaliyalik erkin agentga aylanishi mumkin.

Oldinroq yarim himoyachiga "Milan" ham da'vogar ekani xabar qilingandi.

Sanshesh o'tgan mavsumda "Lill" safida 32 ta o'yinda maydonga tushib, 2 ta gol urdi va 5 ta golli uzatmani amalga oshirdi. Uning klub bilan shartnomasi 2023 yilning 30 iyuniga qadar amal qiladi.