Rasman! "PSJ" yangi hujumchi bilan shartnoma imzoladi (foto)

"Reyms" hujumchisi Yugo Ekitike "PSJ"ga o'tdi, deb xabar beradi Parij klubi sayti.

"PSJ" futbolchini mavsum oxirigacha ijaraga oldi va kelasi yozda sotib olish imkoniyatini qo'lga kiritdi.

Oldinroq parijliklar 20 yoshli futbolchining transferi uchun bonuslarni hisobga olgan holda 35 million evro to'lashi haqida ma'lumotlar paydo bo'lgandi.

2021/22 yilgi mavsumda Ekitike "Reyms" tarkibida 27 ta o'yin o'tkazib, 11 ta gol va 5 ta golli uzatmani amalga oshirgan.