"Yaponiyalik Messi"ning taqdiri ayon bo'ldi

"Real" yarim himoyachisi Takefusa Kubo "Real Sosedad"ga o'tishga yaqin turibdi, deb xabar beradi Marca.

21 yoshli yaponiyalik futbolchi 2027 yilgacha mo'ljallangan shartnoma bilan “Real Sosedad”ga o'tishni rejalashtirgan, biroq “Real Madrid” futbolchiga bo'lgan huquqlarning 50 foizini o'zida saqlab qoladi. Madrid klubi yarim himoyachining kelajakdagi har qanday sotuvining 50 foizini olishni rejalashtirmoqda. Shuningdek, keyingi besh mavsumda madridliklar uni qaytarib sotib olish imkoniyatiga ega bo'ladi.

Kubo o'tgan mavsumda "Malorka"da ijara asosida o'ynagandi. Yarim himoyachi ispan klubi safida barcha turnirlar doirasida 30 ta o'yinda maydonga tushib, 2 ta gol urdi va 2 ta golli uzatmani amalga oshirdi.