"Bavariya" 20 yoshli hujumchisini ijaraga berib yubordi

"Bavariya" hujumchisi Malik Tillman "Reynjers"ga o'tdi, deya xabar beradi klub rasmiy sayti.

20 yoshli germaniyalik bilan ijara shartnomasi 2022/23 yilgi mavsum oxirigacha amalda bo'lib, sotib olish imkoniyati mavjud.

Tillman o'tgan mavsumda "Bavariya"da 15 ta o'yinda maydonga tushib, 4 ta gol urdi va 4 ta golli uzatmani amalga oshirdi. Shuningdek, u “Bavariya”ning asosiy tarkibida 7 ta o'yin o'tkazib, bitta gol urgan.