Sheringem: «MYu» Ronalduning maoshiga 2-3 o'yinchi sotib olishi mumkin»
/ Kiritdi: BestMaster Ko'rilgan: 119
«Manchester Yunayted» klubi sobiq futbolchisi Teddi Sheringem hujumchi Krishtianu Ronaldu haqida o'z fikrini bildirib o'tdi.
«Vaziyat shunday bo'lishini oldindan bilgandim. Odamlar Erik ten Xag jamoani Ronaldu atrofida tuzishi kerakmi yoki yo'qmi — muhokama qilishmoqda. Ammo Krishtianu jamoadan ketishni istasa, u ketadi. Bu esa «MYu» uchun yangi imkoniyatlarni ochadi.
Ronalduning maoshiga 2-3 nafar yangi o'yinchi sotib olishi mumkin. Krishtianuning maoshi katta xarajat hisoblanadi.
Hayot davom etadi. Krishtianu boshqa jamoada o'ynashni istayotgan bo'lsa, uning o'rniga mavsum davomida barqaror va kuchli o'yin namoyish etadigan futbolchi toping.
Ronaldu klubda bo'layotgan ishlarni kuzatmoqda. Fergyuson paytidagi va hozirgi vaziyatni taqqoslamoqda. Hozirgi ishlar unga yoqmayapti. Futbolda bir joyda turib qolsang, muvaffaqiyatsizlikka uchraysan. Ronaldu ham shunday o'ylayotgan bo'lishi mumkin. Krishtianuning o'rnida bo'lganimda men «Yunayted»ga: «Transfer bozoridagi ishigiz orqali meni qoyil qoldiring», degan bo'lardim.
Krishtianu yuqori darajada o'ynay olishi uchun 1-2 yil vaqt qoldi. U mazkur muddatdan zavq olishga haqli», – dedi Sheringem.
Bosh sahifaga
294
