"Yuventus" Dzanolo bilan shartnoma imzolay olmasligi mumkin

"Yuventus" "Roma"ga vinger Nikolo Dzanolo bo'yicha Rim klubiga mos keladigan taklif bilan chiqa olmaydi, deb xabar beradi Football Italia Correira Dello Sport nashriga tayanib.

Turinliklar "bo'rilar" olmoqchi bo'lgan 50 million evroni to'lay olmaydi. Futbolchi almashish takliflari ham "Roma"ga mos kelmadi.

Dzanoloning o'zi Italiyadan ketishni istamayapti, shuning uchun uni "Tottenxem" taklifi qiziqtirmayapti. Uning Rim klubida qolishi ehtimoli katta.

Joze Mourino va jamoa sardori Lorentso Pellegrini Nikolo bilan bog'lanib, Paulo Dibala "Roma"ga o'tgan taqdirda ham u asosiy tarkibda qolishini aytishdi.

Katta ehtimol bilan "bo'rilar" yaqin vaqt ichida Dzanolo bilan shartnomani uzaytirish bo'yicha muzokaralarni qayta boshlashadi. Uning maoshi mavsumda 2,5 dan 4 million evroga ko'tarilishi mumkin.