Depay «Barselona»dan xafa

«Barselona» yozgi transfer paytida hujumchi Memfis Depayni sotib yuborishni rejalashtirmoqda.

Boisi, jamoa hujum chizig'idan raqobat kuchayib ketdi va niderlandiyalik futbolchi etarli o'yin amaliyotiga ega bo'lmasligi mumkin.

Bunday munosabat esa Depayga yoqmayapti. Boisi, Memfis o'tgan yilning yozida "Barsa"ga o'tish uchun borini bergandi.

Futbolchi shu paytgacha yangi jamoa haqida o'ylamayotgandi, chunki u "Kamp Nou"da qolishni istayotgandi. Ammo «Barselona» Usmon Dembele bilan shartnomani uzaytirib, Rafinya va Robert Levandovskining transferini hal qilgach, vaziyat o'zgardi.

«Tottenxem» Depayga qiziqish bildirdi, ammo futbolchiga bu variant ma'qul kelmadi. «Yuventus», «Roma» va «Ayaks» tomonidan ham qiziqishlar bo'ldi. «Barsa» esa Depay uchun kamida 20 million evro so'ramoqda. Memfisning agentlari ushbu summani yuqori hisoblashmoqda. Chunki, niderlandiyalik futbolchi "ko'k-anorranglilar" safiga erkin agent sifatida o'tgandi. Bundan tashqari, futbolchi uchun 20 million evro to'laydigan klub topilsa ham, Memfis kamroq maoshga rozi bo'lishiga to'g'ri keladi.

Memfis Depay Chempionlar ligasida ishtirok etadigan jamoa safiga o'tishni ko'zlamoqda. Futbolchi ayni paytda "Barsa" bilan AQSh yig'iniga yo'l oldi.