Nazorat bahsi. «Bunyodkor» Bobur Abduxoliqov jamoasi bilan durang o'ynadi

«Bunyodkor» Minsk yig'ini doirasida ilk sinov-nazorat bahsi o'tkazdi.

Belarus oliy ligasi peshqadamlaridan biri «Energetik BGU»ga qarshi bahsning bo'limlari ikki xil ko'rinish oldi. Birinchi bo'limda jamoamiz o'ziga o'xshamadi. Bundan foydalangan raqib Ilya Grishenkoning dubli evaziga hisobda oldinga chiqib oldi.

Tanaffusdan so'ng jamoalar tarkibni deyarli to'liq o'zgartirdi. Bu o'zgarishlar «Bunyodkor»ning o'yiniga ijobiy ta'sir qildi, ustunlik to'liq «qaldirg'ochlarimiz» tarafiga o'tdi. Raqib ikkinchi bo'limda markazdan o'tishda ham qiyinchilikka duch keldi. Mezbonlar darvozasi oldida juda ko'p xavfli vaziyatlar yuzaga keltirildi, ammo faqat ikki martagina gol ura oldik. Avvaliga Umarali Rahmonaliev jarima zarbasini supergolga aylantirgan bo'lsa, so'ng Jasur Hakimov o'ziga nisbatan ishlatilgan qo'pollik uchun belgilangan penaltidan unumli foydalandi.

Nazorat uchrashuvi
«BUNYoDKOR» - «ENERGETIK BGU» (Belarus) – 2:2
«Bunyodkor»: Suhrob Sultonov, Mahmud Mahamadjonov, Davron Ergashev, Avaz O'lmasaliev, Muhammadodil Qahramonov, Rasul Yo'ldoshev, Dmitriy Pobulich, G'ayrat Azizxo'jaev, Frantsis Narx, Husayn Ergashboev, Ibrohim Tomiva.
Zaxiradan tushganlar: Zafar Safaev, Farhod Mirahmatov, Sardor Xursandov, Muzaffar Olimjonov, Bilol Tupliev, Muhammadsafo Fozilov, Umarali Rahmonaliev, Jasur Hakimov, Usmonali Ismonaliev.
«Energetik BGU»: Denis Seledtsov, Aleksey Lavrik, Ilya Lukashevits, Roman Papariga, Yaroslav Makushinskiy, Shohruh Abdurahmonov, Maksim Kunskiy, Danil Silinskiy, Ilya Grishenko, Pavel Pashevich, Artyom Turich.
Gollar: Ilya Grishenko, 12 - 0:1. Ilya Grishenko, 20 - 0:2. Umarali Rahmonaliev, 58 - 1:2. Jasur Hakimov, 88-penaltidan - 2:2.