«Bavariya» Levandovskini «Barselona»ga qo'yib yuborishga qaror qilganini tasdiqladi

"Bavariya" klubi boshqaruv raisi Oliver Kan hujumchi Robert Levandovskining "Barselona"ga o'tayotganini tasdiqladi.

«Barselona» klubi tomonidan Levandovskining transferi bo'yicha berilgan taklif bizni qanoatlantirdi. Bundan tashqari, biz so'nggi kunlarda transfer bozorida faol bo'ldik va Sado Mane kabi yuqori saviyali forvard bilan shartnoma imzoladik. Shu bois, «Barselona» bilan og'zaki kelishuvga erishdik. Endi shartnoma imzolasak bo'lgani.

Mening vazifam "Bavariya" uchun hamisha yaxshi bo'lgan ishni amalga oshirish. Biz doimo vaziyatni nazoratda ushlab turib, jamoani kuchaytirish nuqtai nazaridan harakat qildik. Yakunda esa Robertni qo'yib yuborish to'g'ri ish bo'lishi haqida xulosa qildik», – dedi Oliver Kan "Bild" nashriga bergan intervyusida.

Ma'lumot o'rnida. «Barselona» va «Bavariya» Levandovskining transferini 45+5 mln evroga kelishishdi. Polshalik futbolchi "ko'k-anorranglilar" bilan 3 yillik shartnoma imzolaydi.

Manba: sports.ru