Kvaratsxeliya "Napoli"ga o'tish uchun bir qator takliflarni rad etgan

Gruziyalik yarim himoyachi Xvicha Kvaratsxeliya "Napoli"ga o'tdi va u erda "Kvaradona" degan laqabni oldi. Kvaratsxeliyaning ta'kidlashicha, u "Napoli"ning taklifidan juda mamnun va Neapolga ko'chib o'tish uchun boshqa takliflarni rad etgan.

"Bu "Napoli"da o'ynash uchun katta rag'bat. Bu katta klub. Menda boshqa takliflar ham bo'lgandi, lekin “Napoli”dan taklif kelganida, boshqa takliflarni ko'rib chiqishni to'xtatdim. Mamlakatimda odamlar Italiyada o'ynaganimdan juda faxrlanishadi. O'sib borayotgan gruzin yoshlari uchun munosib o'rnak bo'laman degan umiddaman", - dedi futbolchi La Gazzetta Dello Sport bilan suhbatda.

“Napoli” Italiya chempionatining yangi mavsumidagi ilk o'yinini 15 avgust kuni “Verona”ga qarshi o'tkazadi.