"PSJ" bu hujumchi uchun 35 million sarflashi ayon bo'ldi

"PSJ" "Reyms" hujumchisi Ugo Ekitikeni sotib olishga yaqin turibdi. Bu haqda Sky Sports xabar bermoqda.

Manbaning xabariga ko'ra, transfer summasi bonuslar bilan birga 35 million evroni tashkil qiladi. 20 yoshli futbolchi tibbiy ko'rikdan o'tishi va parijliklar bilan shaxsiy shartnoma shartlarini kelishib olishi qoladi.

Oldinroq "Nyukasl" Ekitikeni sotib olishga yaqin turgani haqida xabarlar tarqalgandi. "Hakkalar" uning uchun bonuslar bilan birga 30 million evro to'lashga tayyor edi.

Ugo Ekitike o'tgan mavsumda "Reyms" safida 27 ta o'yinda maydonga tushib, 11 ta gol urdi va 5 ta golga assistentlik qildi.