Verner - Kulibalining transferi haqida: "Yaxshi bitimni imzoladik"

"Chelsi" hujumchisi Timo Verner "Napoli"dan sotib olingan himoyachi Kalidu Kulibali haqida fikr bildirdi. Eslatib o'tamiz, senegallik futbolchi "ko'klar"ga 38 million evroga tushgan.

“Chelsi uchun ajoyib shartnoma. U juda yaxshi o'yinchi, buni "Napoli"ga qarshi o'ynaganimda ko'rganman. U bizga etishmayotgan narsani beradi. Bizga himoyachilar kerak, chunki bizning himoyadagi muhim futbolchilarimiz jamoani tark etishd", - dedi Verner Sky Sports bilan suhbatda.

Oldinroq Vernerning o'zi ham "Chelsi"ni tark etishi mumkinligi haqida xabarlar tarqalgan edi. Taxminlarga ko'ra, germaniyalik futbolchi kam o'yin amaliyotiga ega bo'layotganidan norozi va boshqa jamoaga ketmoqchi edi.