Levandovski "Bavariya"dagi jamoadoshlari bilan xayrlashdi

Myunxenning "Bavariya" klubi hujumchisi Robert Levandovski “Barselona”ga o'tish oldidan jamoadoshlari bilan xayrlashdi. Ijtimoiy tarmoqlarda jurnalist Fabritsio Romanoning xabar berishicha, polshalik hujumchi yaqin 24 soat ichida "ko'k-anorranglilar" bilan shartnoma imzolaydi.

Eslatib o'tamiz, Levandovski "Barselona"ga 50-60 million evroga tushadi. Avvalroq, "Bavariya" o'z tarixidagi eng yaxshi hujumchilardan birini transfer qilish borasida "ko'k-anorranglilar" bilan kelishuvga erishgandi.

Levandovski fevral oyida "Barselona" bilan kelishib olgan. Futbolchi Kataloniyaga o'tishdan boshqa variantlarni ko'rib chiqmadi.