"Barselona" sport direktori: "De Yongni sotish niyatimiz yo'q, biroq La Liga shunga majburlamoqda"

"Barselona" sport direktori Mateu Alemani klub "Manchester Yunayted" o'z safiga qo'shib olishni juda istaydigan yarim himoyachi Frenki de Yongni sotishga majbur ekanligini tan oldi.

“Frenki juda muhim futbolchi, biz unga ishonamiz. Biroq, moliyaviy feyr-pley va La Liga bizni kimnidir sotishga majbur qilishini bilamiz. Men boshqa hech narsa deya olmayman", - deydi Alemani.

Eslatib o'tamiz, Frenki de Yong "Barselona"ni tark etishni istamayapti, garchi "Manchester Yunayted" uning transferini 80 million evroga kelishib olgan bo'lsa-da. Mish-mishlarga ko'ra, futbolchi Kataloniyadagi hayotdan zavqlanadi va "ko'k-anorranglilar" safida o'ynashda davom etishni istaydi.