Simeonening o'g'li A Seriya grandi bilan shartnoma imzolashi mumkin

"Napoli" "Verona" hujumchisi Jovanni Simeoneni qo'lga kiritish borasida muzokaralar olib bormoqda, deya xabar beradi jurnalist Nikolo Skira.

Manbaga ko'ra, neapolliklar 27 yoshli argentinalik futbolchini 15 million evroga sotib olish imkoniyati bilan 2 million evroga ijaraga olmoqchi.

Simeone o'tgan mavsumda "Verona" tarkibida 35 o'yinda 17 ta gol urdi va 6 ta golli uzatmani amalga oshirdi. Transfermarkt.com portali futbolchining narxini 17 million evroga baholamoqda.

Jovanni Simeone "Atletiko Madrid" bosh murabbiyi va sobiq "Inter" va "Latsio" futbolchisi Diego Simeonening to'ng'ich o'g'li hisoblanadi.