Verratti Italiya terma jamoasining 2022 yilgi jahon chempionatiga chiqa olmagani haqida gapirdi

Italiya terma jamoasi yarim himoyachisi Marko Verratti terma jamoa JCh-2022dan quruq qolganidan so'ng o'z his-tuyg'ulari bilan o'rtoqlashdi.

“Bu falokat edi. Juda keskin qarama-qarshilik: avvaliga biz Evropa chempioni bo'ldik, bir necha oy o'tgach esa shunday tarsaki oldik. Evroda harakat qilgandek o'ynay olmadik. Bunday o'yinlarda xatoga yo'l qo'ysangiz, xatolaringiz uchun haq to'laysiz", - deya Verratti so'zlaridan iqtibos keltiradi ItaSportPress.

24 mart kuni Italiya terma jamoasi Makedoniyaga imkoniyatni boy berib, Qatarda bo'lib o'tadigan 2022 yilgi jahon chempionati yo'llanmasidan quruq qolgandi.