London klubi 38 million evroli transferni amalga oshirishga yaqin turibdi

Sky Sports nashri xabariga ko'ra, "Vest Xem" "Lill" yarim himoyachisi Amado Onanani o'z safiga qo'shib olmoqchi.

Manbaga ko'ra, ingliz klubi 20 yoshli belgiyalik futbolchi uchun bonuslarni hisobga olmaganda 38 million evro taklif qilgan. "Lill" taklifni qabul qilib, futbolchini sotishni o'ylamoqda.

Onana o'tgan yozda "Gamburg" jamoasidan "Lill"ga ko'chib o'tgandi. 2021/22 yilgi mavsumda futbolchi barcha turnirlarda jamoasi safida 41 ta o'yinda maydonga tushib, 3 ta gol urdi va 1 ta golli uzatmani amalga oshirdi.