Rasman! "Yuventus"ni tekinga tark etgan Bernardeski MLS klubi bilan shartnoma imzoladi

Yarim himoyachi Federiko Bernardeski faoliyatini Shimoliy Amerikada davom ettiradi. U "Toronto" bilan shartnoma imzoladi, deb xabar beradi MLS jamoasi sayti.

Italiya terma jamoasi futbolchisi bilan shartnoma 2026 yilgacha mo'ljallangan.

Bernardeski "Yuventus"da 2017 yilning iyulidan beri harakat qilib kelayotgan edi. Futbolchi 30 iyun kuni Turin klubini tekinga tark etdi.

Bernardeski o'tgan mavsumda barcha musobaqalarda 35 ta o'yinda maydonga tushib, 2 ta gol urdi va 6 ta golli uzatmani amalga oshirdi.

Eslatib o'tamiz, avvalroq “Toronto” yana ikki italiyalik: himoyachi Domeniko Krishito va hujumchi Lorentso Insine bilan shartnoma imzolagandi.