Benzema "el-klasiko"da maydonga tushadimi?

"Real" hujumchisi Karim Benzema "Barselona"ga qarshi o'rtoqlik o'yinida maydonga tusha olmaydi.

O'yin 23 iyul kuni Las-Vegasda bo'lib o'tishi rejalashtirilgan. Jarohatidan forig' bo'lgan Benzema 19 iyul kuni yig'inga etib bora oladi, biroq o'yinga atigi uch kun qolgan xolos.

Bunday sharoitda "Real" bosh murabbiyi Karlo Anchelotti futbolchiga dam berishi mumkin, deb xabar beradi Diario AS.

Qizig'i, Benzema madridliklarning “Barselona”ga qarshi so'nggi rasmiy o'yinini ham o'tkazib yubordi – Ispaniya chempionatining 2-davrasida kataloniyaliklar “Real”ni 4:0 hisobida mag'lub etishdi.

Benzema o'tgan mavsumda La Liganing 32 o'yinida 27 gol urdi va 12 golga assistentlik qildi.