O'rtoqlik uchrashuvi. "Liverpul" "Kristal Pelas"ni ishonchli hisobda engdi

15 iyul, juma kuni “Liverpul” futbolchilari o'rtoqlik uchrashuvida “Kristal Pelas”ni mag'lub etishdi.

"Kallange" stadionida (Singapur) o'tkazilgan o'yin 2:0 hisobida Yurgen Klopp shogirdlari foydasiga hal bo'ldi.

12-daqiqada Jordan Xenderson hisobni ochgan bo'lsa, 47-daqiqada Muhammad Saloh yakuniy natijani tabloga yozdirib qo'ydi.

"Liverpul" yangi mavsumga tayyorgarlik doirasida navbatdagi sinov uchrashuvini Germaniyada 21 iyul kuni "Leyptsig"ga qarshi o'tkazadi.