Tuxel: "Sterlingga qarshi o'ynash dahshatli!"

"Chelsi" bosh murabbiyi Tomas Tuxel jamoaning yangi futbolchisi Raxim Sterlingning kuchli tomonlari haqida gapirdi.

Eslatib o'tamiz, chorshanba kuni "Chelsi" 27 yoshli vingerning "Manchester Siti"dan sotib olganini rasman e'lon qilgan edi. Angliyalik futbolchi "ko'klar" bilan 5 yillik shartnoma imzoladi va transfer summasi bonuslarni hisobga olmaganda 50 million evroni tashkil qildi.

"Uning asosiy kuchi - bu shiddat va har bir o'yinda juda ko'p shiddatli yugurishni amalga oshirish qobiliyati. Biz unga qarshi o'ynaganmiz, aytishim mumkinki, unga qarshi o'ynash dahshatli!”, - dedi Tuxel.

O'tgan mavsumda Sterling "Manchester Siti" safida 47ta o'yinda maydonga tushib, 17ta gol urgan va 9ta golga assistentlik qilgan.