"Chelsi" AQShlik darvozabonni sotib olgani tasdiqlandi

"Chikago Fayr"ning 18 yoshli darvozaboni Gabriel Sloninaning agenti "Chelsi" amerikalik futbolchining transferiga rozi bo'lganini tasdiqladi.

Qayd etilishicha, "Chelsi" Sloninaning transferi uchun turli bonuslarni hisobga olmaganda 10 million evro to'laydi. Biroq, darvozabon yana bir mavsum MLSda qoladi va u erda ijara asosida o'ynaydi.

Bu yil Slonina “Chikago Fayr” safida 20 ta o'yin o'tkazib, o'z darvozasidan 27 ta gol o'tkazib yubordi va 8 marta o'z darvozasi daxlsizligini saqlab qoldi.

Transfermarkt portali AQSh terma jamoasi darvozabonini 3 million evroga baholamoqda.