Rasman! APL debyutanti Uels terma jamoasi darvozabonini o'z safiga qo'shib oldi
/ Kiritdi: BestMaster Ko'rilgan: 60
"Nottingem Forest" klubi "Byornli" darvozaboni Ueyn Xennessi bilan shartnoma imzolaganini tasdiqladi. 35 yoshli darvozabon Premer-liga debyutanti bilan ikki yillik shartnoma imzoladi.
"O'tmishda men "Forest" bilan ko'p marta to'qnash kelganman, u fantastik klub. Uning ajoyib muxlislari bor va uydagi muhit Premer-ligadagi eng yaxshi muhitlardan biri”, - dedi Xennessi klub rasmiy saytida.
O'tish haqida "Nottingem" bosh murabbiyi Stiv Kuper izoh berdi.
“Ueyn – yillar davomida o'zini eng yuqori saviyadagi futbolchi sifatida ko'rsatgan ajoyib darvozabon. U Uelsga xalqaro maydonda yangi cho'qqilarni zabt etishda yordam berdi va Premer-ligada o'ynashda boy tajribaga ega”, - dedi Forest ustozi.
Darvozabon o'tgan mavsumni "Byornli"da o'tkazdi, ammo Premer-liganing ikkita o'yinida maydonga tushdi va oltita gol o'tkazib yubordi.
Bosh sahifaga
216