Orega bir qator klublar qiziqish bildirmoqda

"Tottenxem" va "PSJ"ning sobiq himoyachisi Serj Orega uch klub qiziqish bildirmoqda. RMC Sport xabariga ko'ra, 29 yoshli ivuarlik futbolchiga "Atletiko", "Galatasaroy" va "Fulxem" jiddiy qiziqish bildirgan.

1 iyul kuni futbolchining “Tottenxem” bilan shartnomasi yakuniga etdi. Transfermarkt portali futbolchining narxini 10 million evroga baholamoqda.

Ore o'tgan mavsumda "Vilyarreal"da ijara asosida o'ynadi. U 24 ta uchrashuvda maydonga tushib, 2 ta golli uzatmani amalga oshirdi.