"Yuventus" De Ligt bilan shartnomani uzaytirmoqchi

Turinning “Yuventus” klubi himoyachi Matteys de Ligt bilan shartnomani uzaytirishi mumkin. Bu haqda La Gazette Dello Sport xabar berdi.

Unga ko'ra, Turin klubi De Ligt uchun kamida 80-90 million evro olish niyatida. 22 yoshli niderlandiyalik futbolchiga asosiy davogar "Bavariya" bo'lib turibdi, ular hali "keksa sinora"ning talablarini qondirishga tayyor emas. Agar bu amalga oshmasa, "Yuventus" Matteys bilan shartnomani uzaytirishi mumkin.

O'z navbatida "Bavariya" ham "Yuventus" bilan muzokara olib borishiga ishonmoqda. Myunxen klubi kelasi hafta boshida De Ligt shartnomasini yakunlashni rejalashtirmoqda.

Oldinroq, "Yuventus" bosh murabbiyi Massimiliano Allegri De Ligt Turin klubini tark etayotganini tasdiqlagan edi. Matteysning o'zi ochiqchasiga "Bavariya"da o'ynash istagini bildirdi.

O'tgan mavsumda niderlandiyalik futbolchi “Yuventus” safida 42 ta o'yinda qatnashib, 3 ta gol urdi va 1 ta golli uzatmani amalga oshirdi.