"Flamengo" Rossi bilan shartnoma imzolamoqchi

"Flamengo" "Fenerbaxche" hujumchisi Diego Rossiga qiziqish bildirmoqda, deb xabar beradi VOLE.

Rossining amaldagi shartnomasi 2025 yilgacha mo'ljallangan. Transfermarkt portali futbolchining narxini 14,5 million evroga baholamoqda.

Rossi o'tgan mavsumda barcha turnirlarda 39 ta o'yinda maydonga tushib, 6 ta gol urdi va 9 ta golli uzatmani amalga oshirdi.

Eslatib o'tamiz, shu haftada "Flamengo" "Barselona", "Inter" va "Yuventus"ning sobiq futbolchisi Arturo Vidal transferini e'lon qilgan edi.