Spalletti Insine o'rnini kim to'ldirishini aniqlab oldi

"Napoli" bosh murabbiyi Luchano Spalletti yarim himoyachi Xvicha Kvaratsxeliyaning o'yini haqida fikr bildirdi.

Kecha, 14 iyul kuni Kvaratsxeliya “Napoli” safidagi ilk uchrashuvda dubl qayd etdi.

“Kvaratsxeliya har doim bo'shliq topadigan futbolchi. U chapda ham, o'ngda ham harakatlana oladi. Harakatni qanday bajarishni biladi. U ajoyib o'yinchi va Insinening o'rnini to'liq egallaydi. Uning kelishi bilan klub hujumdagi muammolarini yopdi", - deya Spalletti so'zlaridan iqtibos keltiradi neapolliklar matbuot xizmati.

Yarim himoyachi klubga Batumi “Dinamo”sidan 10 million evro evaziga o'tgan edi.

Italiya terma jamoasi hujumchisi Lorenso Insine jamoani tark etdi. 31 yoshli forvard erkin agent maqomida "Toronto"ga o'tdi.