"Barselona" hafta oxirigacha bu masalani hal qilmoqchi

CCMA ma'lumotlariga ko'ra, "Barselona" yarim himoyachi Frenki de Yongni hafta oxirigacha "Manchester Yunayted"ga sotishga umid qilmoqda.

Manbaga ko'ra, 25 yoshli niderlandiyalik AQSh bo'ylab mavsumoldi safariga kataloniyaliklar bilan uchmasligi mumkin.

Oldinroq klublar yarim himoyachining transferi bo'yicha 85 million evroga kelishib olgani xabar qilingandi.

De Yong o'tgan mavsumda kataloniyaliklar safida barcha turnirlarda 45 o'yinda 4 ta gol urdi va 5 ta golli uzatmani amalga oshirdi. Uning klub bilan shartnomasi 2026 yilning 30 iyuniga qadar mo'ljallangan.