A seriya. «Atalanta» EChL yo'llanmasiga yaqinlashmoqda

Italiya A seriyasida 34-tur o'yinlari yakunlandi. «Atalanta» o'z maydonida «Udineze»ni qabul qilib, ishonchli g'alabani qo'lga kiritdi.

Bergamoliklar o'yin taqdirini so'nggi daqiqalarda hal qilishdi. 81-daqiqada "Udineze" darvozasi tomon belgilangan penaltini de Ron aniq amalga oshirgan bo'lsa, oradan 4 daqiqa o'tib Pashalich o'yindagi yakuniy hisobni o'rnatdi.

Ushbu g'alabadan keyin "Atalanta" o'z ochkolarini 59taga etkazib, EChL yo'llanmasini beradigan 4-o'ringa ko'tarilib oldi. Jamoa 3-o'rindagi "Inter"dan 3 ochko ortda qolayotgan bo'lsa, 5-pog'onadagi "Roma"dan 1 ochko oldinda bormoqda.

Italiya A seriyasi, 34-tur
Atalanta – Udineze 2:0 (0:0, 2:0)
Gollar: 1:0 – 81, penalti de Ron, 2:0 – 85 Pashalich.
Atalanta – Gollini, Manchini (Pikkoli, 46), Palomino, Masello, Xatebur, de Ron, Froyler (Gimshiti, 78), Gosens (Kastan, 64), Pashalich, Gomes, Sapata.
Udineze – Musso, Larsen, De Mayo (Nyuytink, 71), Samir, D'Alessandro (Okaka Chuka, 84), Mandragora (Agemang-Badu, 74), Sandro, Zegelar, Pussetto, de Paul, Lazanya.
Ogohlantirishlar: Zegelar (55), Samir (64).