Levandovski "Bavariya"ning ikkinchi mashg'ulotiga ham kechikib keldi

Polshalik hujumchi Robert Levandovski o'z professionallligiga sodiq qolgan holda "Bavariya"dagi mashg'ulotlarni boshladi, ammo uning qalbi uzoq vaqtdan beri boshqa klubda va ehtimol, boshqa mamlakat chempionatida. Hech kimga sir emaski, Levandovski "Barselona" jamoasiga o'tishni xohlamoqda, ammo "Bavariya" Robertni qo'yib yubormoqchi emas.

Levandovski esa norozilik bildirish yo'lini topdi: u ikki kun ketma-ket jamoa mashg'ulotlarga kechikdi. Bu klubga nisbatan qandaydir jimgina norozilik. Biroq, bu shunchaki tasodif bo'lishi mumkin. Ammo nemis ommaviy axborot vositalarida bu holat aynan norozilik sifatida talqin qilinmoqda, deb yozadi Bild.