Klopp Nunesga qilingan tanqidlarga munosabat bildirdi

"Liverpul" bosh murabbiyi Yurgen Klopp Darvin Nunesning qo'pol xatolariga munosabat bildirdi. Avvalroq “Liverpul” muxlislari jamoaning yangi futbolchisini tanqid qilishgandi.

"Manchester Yunayted"ga qarshi sinov o'yini oldidan o'tkazilgan mashg'ulotlarda Nunes yaxshi natija ko'rsatmadi. "Liverpul"ning ba'zi muxlislari tezda xulosa chiqarishdi va Nunesga "nuqta qo'yishdi".

"Hech qisi yo'q; tashvishga o'rin yo'q. Boshqa odamlarning baholari men uchun unchalik qiziq emas. Men xotirjamman. Men Nunesning imkoniyatlarini bilaman. Odamlar ba'zi o'yinchilarning xatolariga yopishib olishni, vaziyatni keskinlashtirishni yaxshi ko'radilar.

Men Darvinga o'zining buyuk salohiyatini ro'yobga chiqarishga yordam berishim kerak. Har bir hujumchi bir necha vaziyatni ko'kka sovurishi mumkin. Muxlislarimiz ham istalgan jamoa hujumchisini masxara qilishlari mumkin. Bularning barchasi jiddiy emas", - dedi germaniyalik mutaxassis klub matbuot xizmatiga.