Mata faoliyatini Premer-ligada davom ettirmoqchi

"Manchester Yunayted"ning sobiq yarim himoyachisi Xuan Mata faoliyatini APLda davom ettirishga qaror qildi.

Futbolchiga "Lids" va bir qancha La Liga klublari katta qiziqish bildirmoqda. Biroq Mata Premer-ligada qolish niyatida. Shu bilan birga, yarim himoyachi maoshini sezilarli darajada kamaytirishga tayyor, deya xabar beradi AS.

Mata shu yozda "Yunayted" bilan shartnomasi tugaganidan keyin erkin agentga aylandi. Eski kelishuvga ko'ra, u oyiga taxminan 180 ming evro olgan. "Lids" ispaniyalik futbolchiga xuddi shunday shart-sharoitlarni taqdim eta olmaydi, biroq futbolchi maoshining yarmidan ko'prog'iga qisqartirishga tayyor.