"Roma" hujumchisini almashtirib yuborishi mumkin

Sky Sports Italia xabariga ko'ra, "Roma" va "Atalanta" direktorlari Milanda uchrashuv o'tkazishdi.

Klublar "Atalanta" yarim himoyachisi Mario Pashalichni rimliklar vingeri Stefan El-Shaaraviga almashish masalasini muhokama qilishdi.

Pashalichga "Roma" bosh murabbiyi Joze Mourino yoqadi - ular "Chelsi"da birga ishlashgan. "Atalanta" murabbiyi Jan Pero-Gasperini xorvatni yozda qo'yib yuborishga qarshi emas.

Tomonlar, shuningdek, Aleksey Miranchukning Karles Peres va Jordan Veretuga almashishi haqida ham gaplashishdi.