"Arsenal" ukrainalik himoyachi variantiga qaytdi

"Arsenal" himoya chizig'ini kuchaytirish uchun yana "Shaxtyor" himoyachisi Nikolay Matvienko nomzodini ko'rib chiqmoqda, deb xabar beradi Daily Mail.

"Ayaks" futbolchisi Lisandro Martines London klubi uchun ustuvor maqsad bo'lgan, ammo argentinalik futbolchi "Manchester Yunayted"ni tanlagan. Uning transferi tez orada yakunlanadi.

Matvienko klub uchun muqobil variant sifatida qaralmoqda. Manba hozircha "Arsenal" qisqa ro'yxatidagi boshqa futbolchilarni e'lon qilmagan.

Avvalroq, ukrainalik futbolchining transferiga "Ayaks" ham qiziqish bildirayotgani, u Martinesga o'rinbosar qidirayotgani haqida xabarlar tarqalgan edi.

O'tgan mavsumda Matvienko "Shaxtyor" tarkibida 23 o'yin o'tkazib, 1 gol va 1 golli uzatmani amalga oshirgan.