"Chelsi" futbolchisi APLning boshqa bir klubiga o'tishi mumkin

Jurnalist Fabritsio Romanoning xabar berishicha, "Sautgempton" "Chelsi" himoyachisi Levi Koluillga qiziqmoqda.

Manbaga ko'ra, “avliyolar” transfer bo'yicha muzokaralarni tezroq boshlamoqchi.

Shu bilan birga, 19 yoshli angliyalikning “Chelsi”dagi kelajagi London klubining Natan Ake (“Manchester Siti”) yoki Presnel Kimbembe (“PSJ”) bilan shartnoma imzolashiga bog'liq. “Ko'klar” hozircha futbolchini qo'yib yuborishga tayyor emas, chunki jamoada markaziy himoyachilar etishmovchiligi bor.

Koluill “Chelsi” tarbiyalanuvchisi hisoblanadi. Futbolchi o'tgan mavsumda "Xaddersfild"da ijara asosida o'ynagan va jamoa safida 32 o'yinda 2 gol va 1 golga assistentlik qilgan.

Transfermarkt.com portali Koluillning narxini 5 million evroga baholamoqda.