OFK kubogi. «So'g'diyona» «Xo'jand»ga qarshi bahsni Tojikistonda o'tkazadi

Osiyo futbol konfederatsiyasi bugun pley-off bosqichi mezbonlarini aniqlash maqsadida qur'a tashlash marosimini o'tkazdi.

Xabiringiz bor, Markaziy Osiyo mintaqasidagi guruhlarda g'olib chiqqan "So'g'diyona" va Tojikistonning "Xo'jand" klublari mintaqa g'olibligi uchun bir o'yindan iborat pley-off bosqichida o'zaro to'qnash kelishadi. Qur'a natijasiga ko'ra, mazkur bahs Xo'jand shahrida bo'lib o'tadigan bo'ldi.

«Xo'jand» va «So'g'diyona» o'rtasidagi uchrashuv 16 yoki 17 avgust kuni o'tkaziladi.