Tuxel Ronaldu va Levandovskining "Chelsi"ga o'tishi haqidagi mish-mishlarga izoh berdi

"Chelsi" bosh murabbiyi Tomas Tuxel Robert Levandovski va Krishtianu Ronalduning "ko'klar"ga o'tishi haqidagi mish-mishlar haqida gapirdi.

"Men izoh berishdan tiyilmayman, ammo hozir bizning hujum chizig'imizni kuchaytirish kerak emas. Biz chindan ham himoyachi futbolchi bilan shartnoma imzolashni istaymiz, bu hech kimga sir emas. Imkoniyatlarimizdan kelib chiqib, transfer bozorida qanday davom etishni ko'rib chiqamiz", - dedi Tuxel Sky Sports bilan suhbatda.

Oldinroq Kataloniya klubi Levandovski uchun "Bavariya"ga 50 million evro taklif qilgani va myunxenliklar bu taklifni tezroq qabul qilishini istagani xabar qilingandi. "Barselona" hujumchiga yana bir mavsum uzaytirish imkoniyati bilan uch yillik shartnoma taklif qildi.

Boz ustiga, 9 iyul kuni Ronaldu "Manchester Yunayted" bilan Tailandga mavsumoldi turnega bormagani ma'lum bo'ldi. Bungacha u ta'tildan keyin bir nechta jamoaviy mashg'ulotlarni o'tkazib yuborgan va yakka holda jismoniy holatni saqlab qolgan. Shu bilan birga, "Manchester Yunayted"ning yangi bosh murabbiyi Erik ten Xag matbuot anjumanida Ronaldu unga klubni tark etish istagi haqida shaxsan aytmaganini ta'kidlab o'tdi.