Turin klubi o'z futbolchisi narxini kamaytirishi mumkin

“Torino” himoyachisi Gleyson Bremer etti kun ichida “Inter”ning yangi futbolchisiga aylanishi mumkin, deb yozdi jurnalist Janluka Di Martsio o'z saytida. So'nggi bir necha soat davomida tomonlar o'rtasidagi muzokaralarda muhim yutuqlarga erishildi.

Manbaning xabariga ko'ra, Turin klubi futbolchi uchun so'ralgan 40 million evrodan bonuslar bilan birga summani 35 million evrogacha kamaytirishi mumkin.

2021/22 yilgi mavsumda Bremer "Torino" safida 33 ta o'yinda maydonga tushib, 3 ta gol urdi va 1 ta golli uzatmani amalga oshirdi. Transfermarkt portali futbolchining narxini 35 million evroga baholagan.