"Atletiko" va "Manchester Siti" 19 yoshli futbolchi uchun kurash olib boradi

"Bordo" hujumchisi Seku Mara yozda jamoani tark etishi mumkin.

L'equipe nashri xabariga ko'ra, 19 yoshli frantsiyalik futbolchi "Atletiko", "Monako", "Manchester Siti", "Trua" va "Lion" klublari e'tiborini tortgan. Futbolchining amaldagi shartnomasi yana uch yilga mo'ljallangan.

Iyun oyida “Bordo” moliyaviy tekshiruv muvaffaqiyatsiz yakunlangani uchun mamlakatning uchinchi divizioniga tushib ketgandi. Qarorga e'tiroz bildirish uchun jamoa komissiyaga kafolatlar taqdim etishi kerak, shu bois jirondinlar Maraning transferi uchun kamida 15 million evro olmoqchi.

Mara o'tgan mavsumda barcha turnirlarda 27ta o'yinda maydonga tushib, 6ta gol urdi va 2ta golga assistentlik qildi.