"Barselona" chipta va abonementlar narxini oshiradi

"Barselona" o'z chiptalari va yillik chiptalari narxini oshirish niyatida sotuvni boshlashni keyinga qoldirdi.

Sababi - Ispaniyada iyun oyida inflyatsiya darajasi o'n foizdan oshgan. Bu avtomatik tarzda klub o'z xizmatlari – ya'ni, chiptalar va abonementlar narxini oshirishi kerakligini anglatadi. Katta ehtimol bilan narxlar o'n foizga oshiriladi, lekin zaxira yaratish uchun o'sish yanada ko'proq bo'lishi mumkin - masalan 15 foiz.

O'tgan mavsumda "Barselona" chempionatda ikkinchi o'rinni egalladi va kumush medallar butun mavsum davomida futbolchilar uchun yagona mukofot bo'ldi.