"Real" Asensioga yangi shartnoma taklif qilmaydi

Madridning “Real” klubi vinger Marko Asensio bilan shartnomani uzaytirishni taklif qilmaydi. Amaldagi shartnoma yana bir yilga mo'ljallangan.

COPE xabariga ko'ra, Madrid klubi futbolchining yozda jamoani tark etishini dargumon deb hisoblamoqda. Asensioning o'zi "Real"dan ketishni istamayapti.

Futbolchi 2015 yilning iyulida "Real"ga o'tgan edi. O'tgan mavsumda u "Qirollik klubi" safida 42 ta o'yinda maydonga tushib, 12 ta gol urdi va 2 ta golga assistentlik qildi.

Transfermarkt.com portali hujumchining narxini 40 million evroga baholamoqda.