"Arsenal" bu futbolchi uchun kurashda etakchi

UOL nashrining xabariga ko'ra, London klubi "Lion" yarim himoyachisi Lukas Paketani sotib olish uchun favorit hisoblanadi. Klublar vakillari braziliyalik futbolchining transferi bo'yicha faol muzokaralar olib bormoqda.

"Kanonirlar" bosh murabbiyi Mikel Arteta futbolchini sotib olishga rozi bo'ldi. Paketaning o'zi allaqachon "Arsenal" sport direktori Edu bilan gaplashib ulgurgan.

"Lion" yarim himoyachisi uchun 60 million evro talab qilmoqda, "kanonirlar" esa narxni pasaytirishga harakat qilmoqda.

35 o'yin, 9 gol, 6 golli uzatma - braziliyalikning Liga 1'ning o'tgan mavsumida qayd etgan natijasi.