Kulibali Londonga etib keldi

Senegallik "Napoli" himoyachisi Kalidu Kulibali "Chelsi"ga o'tishdan oldin tibbiy ko'rikdan o'tish uchun Londonga keldi, deb xabar beradi Sky Sports.

Nashrning yozishicha, futbolchi va uning agenti allaqachon Angliya poytaxtida bo'lib turibdi. Tibbiy ko'rik payshanba kuniga belgilangan. Juma kuni senegallik London klubiga o'tishi rejalashtirilgan.

Kelishuv 40 million evroni tashkil etadi.“Napoli” hujjatlarni tekshirish jarayonida, shundan so'ng transfer rasman e'lon qilinadi. Kalidu Kulibali "Chelsi" bilan uzoq muddatli shartnoma imzolaydi, uning maoshi mavsumiga 10 million evroni tashkil qiladi.

2021/2022 yilgi mavsumda futbolchi “Napoli” safida barcha musobaqalarda 37 ta o'yinda maydonga tushib, 3 ta gol urdi va 3 ta golli uzatmani amalga oshirdi.