«PSJ» Neymardan qutulmoqchimi yoki aksincha?

Oxirgi haftalarda matbuot Neymarning «PSJ»ni tark etishi mumkinligini muhokama qilmoqda.

Mish-mishlarga ko'ra, Parij klubi rahbarlari mos taklif tushgan taqdirda braziliyalikni qo'yib yuborishga qarshi emas. Biroq Neymar Parijni tark etish haqida o'ylamayapti.

Goal.com xabariga ko'ra, Neymar 2022 yilgi jahon chempionatiga e'tibor qaratgani uchun hozirda "PSJ"ni tark etish haqida o'ylamayapti.

Braziliyalik hujumchi jahon chempionatiga eng yaxshi holatda yaqinlashishni kutmoqda va endi u klubni o'zgartirishi mumkin bo'lgan muammolar bilan chalg'ishni istamayapti.

Qatardagi jahon chempionati noyabr-dekabr oylarida bo'lib o'tadi. Braziliya Serbiya, Shveytsariya va Kamerun bilan bir guruhdan joy olgan.