"Aston Villa" futbolchisi shartnomani uzaytirishdan bosh tortgani uchun alohida shug'ullanmoqda

"Aston Villa" yarim himoyachisi Karni Chukvuemeka shartnomasini uzaytirishdan bosh tortgani uchun jamoa bilan birga shug'ullanmayapti. Buni Birmingem klubi bosh murabbiyi Stiven Jerrard ham tasdiqladi.

"Karni hali ham yangi shartnoma imzolagani yo'q, shuning uchun men u uchun individual mashg'ulot o'tkazish yaxshiroq deb o'yladim" - dedi Jerrard matbuot anjumanida.

Eslatib o'tamiz, Chukvuemeka "Barselona"ning qiziqish doirasiga tushib qolgan. Futbolchi ushbu transfer oynasida "Aston Villa"ni tark etib, ko'proq o'yin amaliyotiga ega bo'ladigan jamoaga o'tishga qat'iy qaror qilgan.