Vitsel: "Atletiko"da tajribali futbolchilar ko'p"

Madridning “Atletiko” klubi yarim himoyachisi Aksel Vitsel yangi jamoasi futbolchilari haqida iliq fikrlarni bildirdi. Eslatib o'tamiz, yaqinda belgiyalik futbolchi "matraschilar" bilan erkin agent sifatida shartnoma imzolagan edi.

“Bizda sifatli futbolchilar ko'p. Koke, Grizmann, Kunya, Ferreyra-Karrasko. Ro'yxatda shunday futbolchilarning bo'lishi juda muhim, chunki bu jamoa ruhiyatiga ta'sir qiladi. Bu o'yinchilarda ishlash va g'alaba qozonish istagi bor”, - dedi Vitsel “Atletiko” rasmiy saytiga.