Miranchuk Shomurodov bilan jamoadosh bo'lishi mumkin

"Atalanta" yarim himoyachisi Aleksey Miranchuk faoliyatini "Roma"da davom ettirishi mumkin, deya xabar beradi jurnalist Janluka Di Martsio.

Manba bergan xabarga ko'ra, yaqin orada har ikki klub vakillari yig'ilish o'tkazib, unda 26 yoshli rossiyalik futbolchining ehtimoliy transferini muhokama qilishadi.

Aleksey Miranchuk 2020 yilning sentyabrida “Lokomotiv”dan “Atalanta”ga ko'chib o'tgandi. O'tgan mavsumda rossiyalik futbolchi Italiya jamoasi safida 25 ta o'yinda maydonga tushib, 2 ta gol urdi va 5 ta golli uzatmani amalga oshirdi.