A Seriyaning eng yaxshi himoyachisining narxi 50 million evro

"Torino" prezidenti Urbano Kayro himoyachi Gleyson Bremerni kamida 50 million evroga sotmoqchi ekanligini aytdi.

Avvalroq, 25 yoshli braziliyalik futbolchiga "Yuventus" va "Inter" da'vogarlik qilayotgani xabar qilingandi.

“Bu Gleyson uchun to'g'ri narx. Agar munosib taklif tushsa, uni qo'yib yuborishga roziligimni aytdim. Hozir men “Inter”dan Shkrinyarning 70 million evroga baholanishi haqida gap-so'zlarni ko'ryapman. Hurmat bilan aytamanki, Bremer uchun belgilangan narx matbuotda paydo bo'lganidan ancha yuqori", - deya Kayro so'zlarini keltiradi Goal.

2021/22 yilgi mavsumda Bremer “Torino” safida 33 ta o'yinda maydonga tushib, 3 ta gol urdi va 1 ta golli uzatmani amalga oshirdi. Transfermarkt.com portali futbolchining narxini 35 million evroga baholamoqda.